२०७४ फागुन ३ गते प्रधानमन्त्रीका रुपमा आउँदैगर्दा केपी ओलीलाई ६७ प्रतिसत सांसदको समर्थन थियो । उनी प्रत्यक्ष शासन कालका राजा र श्री ३ महाराज जत्तिकै बलियो शासक बनेको विश्लेषण हुने गरेको थियो । प्रधानमन्त्री ओली बलियो हुने मुल कारण उनले लगाएका नारा र देशभक्तिको अडानलाई पनि मानिएको थियो ।

जस्तो, भारतीय नाकाबन्दीलाई घुँडा टेकाएर उनी हाइहाइ बनेका थिए भने केही पछि लिपुलेक–लिम्पियाधुरा समेटेर तयार गरेको चुच्चे नक्सासम्म आइपुग्दा राजनेता बनेको विश्लेषण सुरु भइसकेको थियो । रेल, पानी जहाज, घरघरमा ग्याँस पाइप आदि उनले लगाएका नाराले समेत आम नेपालीलाई सुरुका दिनमा आकर्षित नै गरेको थियो ।

तर, आम हाइहाइ र स्याब्बासीलाई जव उनले दम्भ, हठ र तिक्डम मार्फत हरेक काममा विचौलियाको मलजल गर्न थाले तव उनको ओरोलो यात्रा सुरु भयो । एकतामा बल हुन्छ भन्ने जान्दा जान्दै फुटाऊ र शासन गरको थोत्रो नारामा उनी तल्लीन हुन थाले । मुखाले स्वभावले उनका बैरी बढ्न थाले । (बाँकी भिडियोमा)

सुरु सुरुकै उनको मुभ यातायातको सिन्डिकेट हटाउने र गुढी विधेयकमा ब्याकफायर भयो । चिकित्सा विधेयकमा देखिएको रनभुल्लता, अस्थायी कर्मचारी हटाएर पुनःफिर्ता गर्ने निर्णयमा पुर्नविचार, सुन काण्डका दोषीलाई कारवाहीको दायरामा ल्याउन नसक्नु, र जनसरोकारका तमाम मुद्धाहरु छोडेर गुलिया कुरा गर्दै हिडेपछि उनले सकारात्मक परिणाम दिन नसक्ने आम अड्कल भइसकेको थियो ।

मुलकुरा संविधानमा उल्लेखगरिएका परिवर्तनका एजेन्डाहरु उनलाई मन परेको थिएन भन्ने आम आरोपलाई उनका ब्यवहारले पुष्टि गर्दै लगे । संघीयता र धर्मनिरपेक्षताका सवालमा छलफल चलाउनु पर्छ भन्नेमा उनी पुगे । विदेशी गुप्तचर संस्थाका प्रमुखलाई मध्यरातमा भेटेपछि युटर्न भएको उनको राष्ट्रियताको एजेन्डा समेत तुहेको प्रमाणित भयो ।

आजको रिपोर्ट निवर्तमान भएका प्रधानमन्त्री ओलीले ४१ महिनामा गरेका गल्तीहरुको शृङखलामा केन्द्रीत छ । हेर्नुहोस् ओलीले गरेका यी ८ गल्ती, जसले उनलाई घर फर्कायो ।