काठमाडौ युथ कनक्लेभको होम अपलाईन्स पार्टनर लाईफर

काठमाडौं युथ कन्क्लेभ चैत २६ गते हुने भएको छ । युवाहरुलाई नेतृत्व, व्यवस्थापन र औद्योगिक सीप विकास गर्न सहयोग पुर्‍याउने उद्देश्यले विभिन्न कलेजहरुले संयुक्त रुपमा उक्त सम्मेलनको आयोजना गर्न लागिएको हो । शो कार्यक्रममा होम अपलाईन्स पार्टनरको रुपमा लाईफर रहेको छ । कार्यक्रममा लक्की ड्र मार्फत लाईफरले ३ भाग्यशाली बिजेतालाई पहिलो, दोश्रो र तेस्रो छनोट गरी टिवि, भ्याकुम क्लिनर र राइस कुकर हस्तान्तरन गर्ने कम्पनीका मर्केटीङ हेड सोहिल श्रेष्ठले बताए ।

युनिभर्सल कलेज, न्युसमिट कलेज, अपोलो इन्टरनेसनल कलेज, काठमाडौं मोडेल कलेज, फिनिक्स कलेज अफ म्यानेजमेन्ट, सगरमाथा माध्यमिक विद्यालय तथा हिमालय कलेज अफ इन्जिनियरिङको संयुक्त आयोजनामा काठमाडौंको प्रज्ञा भवनमा युथ कनक्लेभ हुन लागेको हो । कार्यक्रम बिहान ११ बजेदेखि साँझ ६ बजेसम्म चल्नेछ ।

कार्यक्रममा नेपाली कांग्रेसका महामन्त्री गगन थापा, र्‍यापर बालेन शाह, पर्यटन व्यवसायी कर्ण शाक्य, नबिल बैंकका सीईओ अनिल केशरी, पूर्व मिस नेपाल अनुश्का श्रेष्ठ, गोल्डस्टारकी कार्यकारी निर्देशक विदुशी राणा, शुशान्त केसि, भरत मनी पौडेल र सबिन कार्की लगायतले सहभागी युवाहरुलाई अनुभव सुनाउने लगायत  प्रस्तुती दिने छन  ।