जानकारी केन्द्र । चौधरी ग्रुप अन्तर्गतको सीजी मोटर्सद्वारा विद्युतीय सवारी ब्रान्ड नेटाको ‘नेटा भी’ विद्युतीय कार नेपाली बजारमा उपलब्ध गराइएको छ ।

चाइनिज अटो उत्पादक होजोन मोटर्सले उत्पादन गरेको उक्त विद्युतीय अर्थात ईभी कार गत साता मात्र नेपालमा प्रवेश गरेको हो । नेटा भीको लुक्स, डिजाइन तथा फिचरको सबैतीर प्रशंसक बढेसँगै हाल यसले सर्वाधिक ईभी पारखीको ध्यान आकर्षण गरिरहेको अवस्था छ ।

‘नेटा भी’का फिचरहरु यस्ता छन्ः

लम्बाई – ४ हजार ७० एमएम
चौडाई – १ हजार ६ सय ९० एमएम
उचाई – १ हजार ५ सय ४० एमएम
कर्व तौल – १ हजार १ सय ५१ किलोग्राम
ह्वीलवेस – २ हजार ४ सय २० एमएम
अधिकतम गति – १ सय १ किलोमिटर प्रतिघण्टा
शून्यदेखि ५० किलोमिटर प्रतिघण्टा ३.९ सेकेन्डमा
ग्राउन्ड क्लियरेन्स – १ सय ६० एमएम
ब्याट्री – ३८.५ केडब्लूएच सीएटीएल लिथियम
मोटरको पावर – ७० केडब्लू र ९० पीएस
चार्जिङ स्ट्यान्डर्ड – सीसीएस२
अधिकतम टर्क – १ सय ६० एनएम
१४.६ इन्चको इन्टेलिजेन्ट कन्ट्रोल स्क्रिन
बुट स्पेस – ३ सय ३५ लिटर
सिट क्षमता – ५

उक्त कार पूर्णरुपमा विद्युतीय सवारी उत्पादन गर्नको लागि डिजाइन गरिएको हुँदा निकै इफिसियन्ट रहेको उत्पादक कम्पनी होजोनको दाबी छ । होजोन उच्च प्रविधियुक्त सवारी र उक्त सवारीको माइलेजको लागि प्रसिद्बध छ । त्यस्तै, कम्पनीका अनुसार नेटा भीले पनि एकपटकको फुल चार्जमा ३८० किलोमिटर भन्दा बढी रेन्ज दिन्छ । नेटा भीको अधिकतम गति १०१ किलोमिटर प्रतिघण्टा रहेको छ ।

यसैगरी, उक्त कारमा सिएटीएलले उत्पादन गरेको ३८.५ किलोवाट आवर ब्याट्री प्रयोग भएको छ । हाल, नेटामा प्रयोग भएका ब्याट्री र मोटरमा ८ वर्ष वा १ लाख ५० हजार किलोमिटर वारेन्टी प्रदान गरिएको छ ।

नेटा भी फ्रन्ट ड्राइभ मोड कार हो र यसमा फ्रन्ट तथा रेयर दुवैतर्फ डिस ब्रेक छ । कारको फ्रन्ट एक्सएलमा रहेको विद्युतीय मोटरले ७० किलोवाट, ९५ पीएस पावर र १६० एनएम टर्क जेनेरेट गर्दछ ।

बजारमा ईभी कारवप्रति चासो र लोकप्रियता बढेसँगै सीजी मोटर्सले १.५ र २.५ टन क्षमताको विद्युतीय पिकअपसमेत छिट्टै नेपाली बजारमा उपलब्ध गराउने जानकारी दिएको छ ।

‘नेटा भी’को मूल्य कति छ?

नेटा भी कारको मूल्य ३७ लाख ९९ हजार रुपैयाँ तोकिएको छ । साथै, सीजी मोटर्सका खरिदकर्तालाई ६.६ केडब्लूको चार्जर र १ वर्षको बीमाको सुविधा निःशुल्क रहने जनाइएको छ । त्यस्तै, हाल सरकारले बजेटमा १०० किलोवाट पावरसम्मको ईभीमा पुरानै कर लाग्ने जनाएको हुँदा नेटा भीले राम्रो प्रतिक्रिया पाउने आंकलन गरिएको छ ।