मस्कले ट्विटर नकिन्ने, ट्विटरले मस्कविरुद्ध मुद्दा दायर गर्दै

एजेन्सी । ट्विटरले इलोन मस्कको ट्विटर डिल रद्द गर्ने निर्णय विरुद्ध मुद्दा दायर गरेको छ ।

एलोन मस्कविरुद्ध अमेरिकाको डेलावेयर अदालतमा मुद्दा दायर भएको हो । मस्कले प्रतिक्रियामा ट्विटरको नाम नलिई कम्पनीलाई गाली गर्दै ट्वीट गरेका छन् । जसमा उनले ‘विडम्बनालाई हेर भनी लेखेका छन् । विश्वका सबैभन्दा धनी व्यक्ति एलोन मस्कले ४४ अर्ब डलरमा ट्विटर किन्ने घोषणा गरेका थिए । तर उनले हाल उक्त सम्झौता रद्द गरेका छन् ।

उनले अहिलेसम्म ट्वीटरमा फेक र स्प्याम अकाउन्टको संख्या नखुलेको आरोप लगाएका थिए । ट्विटरले यस मामिलामा भनेको छ, ‘हामीले मस्कलाई कुनै पनि हिसाबले प्रतिबन्ध लगाउनबाट रोक्नको लागि यो कारबाही गरिरहेका छौं र उहाँलाई आफ्नो कानूनी जिम्मेवारी पूरा गर्न, केही शर्तहरू पूरा गर्न र यो सम्झौता पूरा गर्न भनेको छ ।’ साथै, मुद्दामा मस्कले मर्जर सम्झौताका धेरै सर्तहरू उल्लंघन गरेको आरोप लगाइएको छ । यो पूरै एपिसोडले ट्विटरको व्यापार र छविलाई क्षति पुर्याएको आरोप पनि लगाइएको छ ।

ट्विटरले मस्कलाई प्रति शेयर ५४.२० डलरमा भएको सम्झौता पूरा गर्न चाहन्छ । यो मुद्दा दायर भएपछि अब ट्विटरको अधिग्रहणको यो लामो लडाई सुरु हुन सक्छ । मस्कले गत हप्ता ट्वीटरमा लेखेको पत्रमा ४४ अर्ब डलरको सम्झौता रद्द गर्ने निर्णय गरेका थिए । उनले खरिद सम्झौताको पटकपटक उल्लङ्घन भएपछि सम्झौता रोक्ने निर्णय गरेको बताए ।