नेप्से आज पनि ७.९३ अंकले बढ्यो

काठमाडौं । आज साताको अन्तिम कारोबार दिन शुक्रबार पनि सेयर बजारको उकालो लागेको छ । नेपाल स्टक एक्सचेञ्जका अनुसार आज शुक्रबार सेयर कारोबार मापक नेप्से परिसूचक ७.९३ अंकले बढेर २००९.४६ विन्दुमा पुगेको छ ।

यस दिन कूल २३१ कम्पनीको ४० लाख ५१ हजार ७ सय ७१ कित्ता सेयर खरिदबिक्री भई १ अर्ब ४५ करोड ६२ लाख ५९ हजार ८ सय ३३ रूपैयाँको कारोबार भएको छ । कारोबार भएका कूल १३ उपसमूहमध्ये आज ५ वटा उपसमूहको सेयर बढेको छ भने बाँकी ८ वटा उपसमूहको सेयर घटेको छ ।

आज अपर तामाकोशीको १९ करोड ७२ लाख ५४ हजार रूपैयाँले सर्वाधिक कारोबार भएको छ । यस्तै, आज ३ वटा कम्पनीको डिबेन्चरको सेयरमूल्यमा सकारात्मक सर्किट लागेको छ । ग्रीन लाइफ हाइड्रोपावर कम्पनी लिमिटेडका लगानीकर्ताले भने आज सबैभन्दा धेरै गुमाएका छन् । कम्पनीको सेयरमूल्य ५.३१ प्रतिशतले घटेर ३ सय ३ रूपैयाँमा पुगेको छ ।