शेयर बजार दोहोरो अंकले बढ्दा सबैभन्दा धेरै बढे यी १० कम्पनी..

काठमाडौं । सोमबार नेप्से सूचक १८.०३ अंकले सुधार हुँदा सर्वाधिक धेरै बरुण हाइड्रोपावर इमर्जिङ नेपालको शेयर मूल्य बढ्ने क्रममा सकारात्मक सर्किट लागेको छ । आज सोमबार नेप्से सूचक १८.०३ अंकले बढेर २०२९.४३ मा रोकिएको छ ।

घटेको दरमा शेयर खरिद गर्नेको आकर्षणले आज बरुणको शेयर मूल्यमा सर्किट लागेको हो । चन्द्रागिरी हिल्सको शेयर मूल्यमा पनि ६.०६ प्रतिशत बढेको छ । अन्य कम्पनीहरु अपि पावर, तारागाँउ रिजेन्सी, ओरियण्टल होटल, सिङ्गटी हाइड्रो, सोल्टी होटल, नेपाल हाइड्रो र एक्सेल डेभलपमेन्ट बैंकको शेयर मूल्यमा सर्वाधिक सुधार देखिएको छ ।

त्यस्तै, प्रधानमन्त्री तथा अर्थमन्त्री शेयर बहादुर देउवाले नेपाल राष्ट्र बैंकका गभर्नरलाई बर्खास्त गरेर निलम ढुङ्गानालाई कार्यबहाकको जिम्मेवारी दिने हल्लाले शेयर बजारमा सकारात्मक माहोल देखिएको छ ।