गायक तथा अभिनेता प्रशान्त तामाङलाई पुत्री लाभ

काठमाडौं । गायक तथा अभिनेता प्रशान्त तामाङ र पत्नी मार्था एलीले पुत्रीकाले पहिलो सन्तानको रुपमा पुत्रीलाई लाभ गरेका छन् ।

प्रशान्तले सामाजिक सञ्जालमार्फत आफू बुवा बनेको खबर सार्वजनिक गरेका हुन् । उनले छोरीको नाम पनि आरिया राखिसकेका छन् । पर्सियन भाषामा आरियाको अर्थ ‘नयाँ’ र अल्बानियाली भाषामा बहुमूल्य धातु सुन र खजाना रहेको छ ।

विगतमा प्रशान्त इण्डियन आइडल सिजन ३ का विजेता समेत रहेका छन् । त्यस्तै, मार्था पनि एयर होस्टेस रहेकी थिइन् । उनीहरुले ३ वर्षअघि विवाह गरेका थिए । उनले लेखेका छन् ‘मेरी सानी राजकुमारीलाई संसारमा स्वागत छ । सबैलाई माया र शुभेच्छाका लागि धन्यवाद ।’

हाल प्रशान्त अभिनित फिल्म ‘परदेशी २’ दशैं छेकोमा रिलिज हुँदैछ । प्रशान्त आफू अभिनित पछिल्लो फिल्म ‘परदेशी २’ को प्रचार प्रसारका लागि दशैंअघि काठमाडौंमा आउने तयारीमा रहेका छन् ।