सुनसरीमा जिपको ठक्करबाट मोटरसाइकल चालकको मृत्यु

काठमाडौं । सुनसरीको भोक्राहा नर्सिङ गाउँपालिका-४ र ५ को सिमानामा रहेको सुनसरी पुलमा जिपको ठक्करबाट मोटरसाइकल चालकको मृत्यु भएको छ ।

हिजो मंगलबार साँझ भएको उक्त दुर्घटनामा परी धनुषाको बर्दिबास नगरपालिका-६ का २९ वर्षीय बालकृष्ण राना मगरले ज्यान गुमाएका छन् । गम्भिर घाइते भएका उनीको न्युरो अस्पताल विराटनगरमा उपचारको क्रममा हिजो बेलुकी साढे ७ बजे मृत्यु भएको हो । पूर्व-पश्चिम राजमार्गमा पूर्वबाट पश्चिमतर्फ आउँदै गरेको भारतीय नम्बरको स्कारपियो जिपले विपरित दिशाबाट जाँदै गरेको ना ६३ प ४०७५ नम्बरको मोटरसाइकललाई हिजो साँझ ६ बजे ठक्कर दिएको थियो ।

जिल्ला प्रहरी कार्यालय सुनसरीले जिपसहित चालकलाई नियन्त्रणमा लिएको छ ।