रौतहाटमा नक्कली प्रशिक्षार्थीले परीक्षा दिने क्रममा पक्राउ..

काठमाडौं । रौतहाटको चन्द्रपुर नगरपालिका–६ स्थित जनज्योती बहुमुखी क्याम्पसमा विविएस दोस्रो वर्षको परीक्षा भइरहेको छ । उक्त परीक्षामा अर्काको नाममा परीक्षा लेखिरहेको युवकलाई बुधबार पक्राउ गरिएको हो ।

प्रहरीले राजदेवी नगरपालिका-१ बस्ने २० वर्षीय राजन तिवारीलाई पक्राउ गरेको हो । ईलाका प्रहरी कार्यालय चन्द्रपुरबाट खटिएको प्रहरीले उक्त क्याम्पसमा नक्कली प्रशिक्षार्थीले परीक्षा दिइरहेको सूचनाको आधारमा अनुगमन गर्दा तिवारीलाई आफ्नो दाइको नाममा परीक्षा दिएको अवस्थामा पक्राउ गरिएको हो ।

प्रहरीले उनलाइै नियन्त्रणमा लिइ आवश्यक अनुसन्धान गरिरहेको जनाएको छ ।