काठमाडौं । प्रहरीले ललितपुरस्थित पुल्चोकमा एक व्यक्ति घरभित्रै झुण्डिएको अवस्थामा फेला परेको जनाएको छ ।

मृत अवस्थामा भेटिएका ६२ वर्षका रामबहादुर क्षेत्री भारतको दार्जिलिङ घर भई ललितपुर उपमहानगरपालिका पुल्चोकमा मःम पसल चलाउँदै आएका थिए । जिल्ला प्रहरी परिसर, ललितपुरका प्रहरी नायब उपरीक्षक (डीएसपी) अंगुर जिसीले उनी सो अवस्थामा भेटिएको अनलाइनखबरलाई जानकारी दिएको हो ।

जिसीका अनुसार हिजोदेखि कोठामा चालचुल नभएपछि माथि बस्नेले ढोका ढक्ढक्याएको र नखोलेपछि प्रहरीलाई खबर गरेका हुन् । शव सलमा झुण्डिएको अवस्थामा भेटिएको जनाइएको छ । प्रहरीले मृत व्यक्तिको आफन्तलाई बोलाए बताएका छन् । शवलाई पोष्टमार्टमका लागि पाटन अस्पताल लगिनेछ ।

मृत क्षेत्रीकी पत्नीले कोभिड-१९ भाइरसका कारण ज्यान गुमाएकी थिइन् ।