तेह्र वर्षीय सजन पाँच दिनदेखि बेपत्ता, खोजीका लागि परिवारको अपील

काठमाडौं । तेह्र वर्षीय सजन महर्जन बेपत्ता भएको पाँच दिन बितिसक्दा पनि फेला परेका छैनन् । काठमाडौं महानगरपालिका वडा नं. २, कैलाशचौरमार्ग, लाजिम्पाटबाट २०७९ भदौ २६ गते आइतवार बिहान करिब ७ बजेको समयमा उनी कसैलाई केही थाहा नदिइ कोठाबाट निस्किएका थिए । त्यसपछि सजनको कुनै अतोपतो छैन ।

उनकी आमा कोपीला महर्जनले आफ्नो एक मात्र छोरा हराएको हुँदा खोज तलास गरी पाउँ भनी प्रहरी बृत्त दरवारमार्ग र सोह्रखुट्टेमा भदौ २७ गते निवेदन दिएको बताउनुभयो । पानीपोखरीस्थित भानुभक्त मेमोरियल स्कुलमा कक्षा ७ मा अध्ययनरत सजन आइतवारदेखि विद्यालयमा अनुपस्थित रहेका छन् ।

निज सजनलाई कोही कसैले देख्नु वा भेट्टाउनु भएमा नजिकको प्रहरी, आमसञ्चार वा परिवारलाई खबर गरि दिनु हुन निजकी आमा कोपीला ९९८२३६०८९२४० ले अपील गर्नुभएको छ ।