काठमाडौं महानगरले हराएको टुकुचा खोला भेट्टायो

काठमाडौं । काठमाडौं महानगरपालिकाले हराएको टुकुचा खोला भेट्टाएको छ । महानगरले टुकुचा खोज्न जय नेपाल हलको कम्पाउन्ड खनेकोमा कम्पाउन्डभित्रै टुकुचा फेला परेको हो ।

महानगरले नक्सा अनुसार गरेको मार्किङका आधारमा डोजर चलाएर हल परिसरमा १५ फिट खन्दा टुकुचा खोला भेटिएको महानगरले जनाएको छ ।

नारायणहिटी दरबार क्षेत्रबाट निस्किएको टुकुचा खोला यस क्षेत्रमा वर्षौंदेखि गायब थियो । यसअघि महानगरले ३५ दिने सूचना जारी गदैं यस क्षेत्रको अवैध अतिक्रमण हटाउन निर्देशन दिएको थियो ।