आज यस्तो रहेको छ मौसम

काठमाडौँ । काठमाडौंमा आज मौसममा बदली हुने भएको छ । घाम लाग्ने र बदली हुनेक्रम दिनभर जारी रहने जल तथा मौसम विज्ञान विभागले जनाएको छ ।

अपराह्नपछि भने काठमाडौं उपत्यकामा वर्षाको सम्भावना रहेको छ । “दिनभर मौसममा बदली रहनेछ । घाम लाग्ने र बदली भइरहनेछ,” मौसमविद् हीरा भट्टराईले भने, “अपराह्नपछि काठमाडौंमा वर्षाको सम्भावना रहेको छ ।”

वर्षाको सम्भावना रहेको तर हल्कादेखि सामान्य वर्षा मात्रै हुने उनको भनाइ छ । “वर्षा हुन्छ तर केही दिन अगाडिको जस्तो ठूलो वर्षा हुँदैन । सामान्य वर्षाको सम्भावना छ,” मौसमविद् भट्टराईले भने ।

भोलिबाट काठमाडौंको मौसम सफा हुने उनको भनाइ छ । मौसम सफा हुने र पानी पर्ने क्रम पनि रोकिँदै जाने भट्टराई बताउँछन् ।