दियुस श्रेष्ठको हत्या अभियोगमा ५ किशोर पक्राउ

विराटनगर । मोरङको उर्लाबारीमा छुरा प्रहार गरी बालकको हत्या गरेको आरोपमा पाँच जना पक्राउ परेका छन् । १४ वर्षीय दियुस श्रेष्ठको हत्यामा संलग्न भएको आरोपमा प्रहरीले पाँच जना किशोरलाई पक्राउ गरेको हो।

झापाको दमकबाट उर्लाबारी नगरपालिका–७ मावा खोलामा छठ हेर्न पुगेका श्रेष्ठको हत्या पाँचजना किशोरको समुहले छुरा प्रहार गरेर गरेको प्रहरीले जनाएको छ । किशोरहरुले आइतबार राति १०ः२५ बजेतिर दियुसमाथि छुरा प्रहार गरेका थिए ।

प्रहरीको अनुसार झापाको बिर्तामोडस्थित बी एण्ड सी अस्पतालमा उपचारका क्रममा सोमबार बिहान दियुसको मृत्यु भएको हो। घटनापश्चा फरार भएका उनीहरु छुरासहित पक्राउ परेका हुन् ।