सर्लाहीमा दुई मोटरसाईकल एकआपसमा ठोक्किँयो : २ को मृत्यु, २ जना घाइते

सर्लाही । सर्लाही ईश्वरपुर नगरपालिका १२ स्थित पूर्व पश्चिम लोकमार्गमा सोमबार साझ भएको मोटरसाईकल दुर्घटनामा २ जनाको ज्यान गएको छ भने २ जना घाइते भएका छन् । ईश्वरपुर नगरपालिका १२ स्थित पुर्व पश्चिम लोकमार्गमा दुई मोटरसाईकल एक आपसमा ठोक्किँदा २ जनाको ज्यान गएको र २ जना घाइते भएको जिल्ला प्रहरी कार्यालय सर्लाहीले जनाएको छ ।

सर्लाही प्रहरीका अनुसार प्रदेश नं। २-०३-००४ प ७८८४ नम्बरको मोटरसाईकल र ज ११ प ८१० नम्बरको मोटरसाईकल एक आपसमा ठोक्किँदा प्रदेश नं। २-०३-००४ प ७८८४ नम्बरको मोटरसाईकलका चालक बाराको कलैया उपमहानगरपालिका १६ का अन्दाजी वर्ष ४५ का कन्हाई चौधरीको र ज ११ प ८१० नम्बरको मोटरसाईकलका चालक महोत्तरीको बर्दिवास नगरपालिका ६ का अन्दाजी वर्ष २५ का सुनिल आले मगरको ज्यान गएको जिल्ला प्रहरी कार्यालय सर्लाहीका प्रहरी प्रमुख प्रहरी उपरीक्षक प्रविण पोख्रेलले जानकारी दिनुभयो ।

घाइते प्रदेश नं। २-०३-००४ प ७८८४ नम्बरको मोटरसाईकलमा सवार बारा कलैया उपमहा नगरपालिका ३ ब्रम्हपुरीका अन्दाजी वर्ष ३२ का अजय कुमार पटेलको प्रादेशिक अस्पताल मलगंवामा, ज ११ प ८१० नम्बरको मोटसाईकलमा बर्दिवास नगरपालिका ६ की अन्दाजी वर्ष २४ की रुबिना तामाङ र ज ११ प ८१० नम्बरको स्थानिय स्वास्थ्य संस्थामा उपचार भईरहेको सर्लाही प्रहरीले जनाएको छ ।