भक्तपुर क्षेत्र नं. (१) मा कांग्रेसका सुरेश श्रेष्ठ बिजयी

काठमाडौँ । भक्तपुर क्षेत्र नं १ को प्रदेश १ अर्थात चाँगुनारायण नगरपालिका क्षेत्रमा नेपाली काँग्रेसका सुरेश श्रेष्ठले विजय प्राप्त गरेका छन् ।

गत मंसिर ४ गते भएको निर्वाचनमा लोकतान्त्रिक– बाम गठबन्धनको साझा उम्मेदवारका रूपमा रहेका श्रेष्ठले विजय प्राप्त गरेका हुन् । राती सम्पन्न अन्तिम मत परिणाम अनुसार श्रेष्ठले ९ हजार ४२४ मत पाएको निर्वाचन कार्यालयले जनाएको छ ।

यो प्रदेशमा नेकपा एमालेका तर्फबाट उम्मेदवारी दिएका मोहनवीर श्रेष्ठले ८ हजार २१२ र नेपाल मजदुर किसान पार्टीका मीन बाटाले ८ हजार २०१ मत पाउनुभएको छ । राप्रपाका राजु कुइँकेलले ५ हजार ९४५ मत प्राप्त गर्नुभएको छ ।