काठमाडौं । यसपालिको निर्वाचनमा ११ जना उम्मेदवार पाँच सयभन्दा कम मतान्तरले पराजित भएका छन् । पाँच सयभन्दा कम मतान्तरले पराजित हुनेमा सबैभन्दा धेरै नेकपा एमालेका रहेका छन् ।
नेपाली कांग्रेसका तीन, नेकपा माओवादी केन्द्रका एक र राष्ट्रिय प्रजातन्त्र पार्टी ९राप्रपा० का एक जना उम्मेदवार रहेका छन् । सबैभन्दा थोरै मतले हार्नेमा नेपाली कांग्रेसका भीष्मराज आङदेम्बे रहेका छन् । आङदेम्बे ४६ मतको झिनो मतान्तरले पराजित भएका हुन् ।
इलाम क्षेत्र नम्बर २ का नेपाली कांग्रेसका उम्मेदवार डम्बरबहादुर खड्का पनि थोरै मतले पराजित भए । उनी १ सय १४ मतान्तरले पराजित भए । खड्का पूर्वसभामुख तथा एमालेका नेता सुवासचन्द्र नेम्वाङसँग पराजय भएका हुन् ।
त्यस्तै राष्ट्रिय प्रजातन्त्र पार्टीका नेता रवीन्द्र मिश्रले पनि एकदमै थोरै मतान्तरमा पराजित भए । काठमाडौं क्षेत्र नम्बर १ बाट उम्मेदवारी दिएका मिश्र नेपाली कांग्रेसका उम्मेदवार प्रकाशमान सिंहसँग पराजय भए । उनी १ सय २५ को मतान्तरले पराजित भएका हुन् ।
त्यस्तै धनुषाको क्षेत्र नम्बर २ का उम्मेदवार नेकपा एमालेका उमाशंकर अरगरिया पनि अत्यन्त थोरै मतले पराजित भए । उनी १ सय ५७ मतन्तरले पराजित भएका हुन् । कांग्रेसका सुरेन्द्र चौधरीले पनि झिनो मतान्तरले पराजय भए ।
पर्सा क्षेत्र नम्बर ३ का उम्मेदवार चौधरी १ सय ६७ मतान्तरले पराजित भए । नेकपा एमालेका लक्ष्मीप्रसाद पोखरेल पनि दुई सयभन्दा कम मतान्तरले पराजित भए । दैलेख निर्वाचन क्षेत्र नम्बर २ का उम्मेदवार पोखरेल १ सय ६७ मतान्तरले पराजित भएका हुन् ।
नेकपा एमालेका महासचिव शंकर पोखरेल पनि थोरै मतान्तरबाट पराजित भए । दाङको निर्वाचन क्षेत्र नम्बर २ बाट उम्मेदवार बनेका पोखरेल १ सय ९३ मतको अन्तरले माओवादी केन्द्रकी रेखा शर्मासँग पराजित भए ।
माओवादी केन्द्रका खेलप्रसाद बुढाक्षेत्री पनि दुई सयभन्दा कम मतान्तरमा पराजित भएको । ताप्लेजुङ निर्वाचन क्षेत्र नम्बर १ का उम्मेदवार बुढाक्षेत्री २ सय ८ मतान्तरले एमालेका योगेशकुमार भट्टराईसँग पराजित भएका हुन् ।
दोलखामा एमालेका बालकृष्ण शिवाकोटी ३ सय १५ मतान्तरले पराजित भए । नेकपा माओवादीका गंगा कार्कीले शिवाकोटीलाई पराजित गरेका हुन् ।
एकमात्र क्षेत्र रहेको मनाङमा एमालेका उम्मेदवार पाल्देन छोपाङ गुरुङ पनि झिनो मतान्तरबाट पराजित भए । उनी ३ सय २८ मतले नेपाली कांग्रेसका उम्मेदवार टेकबहादुर गुरुङसँग पराजित भएका हुन् ।
मोरङ क्षेत्र नम्बर १ का एमाले उम्मेदवार घनश्याम खतिवडा पनि पाँच सयभन्दा कम मतान्तरले पराजित भए । उनी ४ सय ३० मतले कांग्रेसका डिगबहादुर लिम्बुसँग पराजित भएका हुन् ।
