पेलेका यी ३ कीर्तिमान : जसलाई तोड्न निकै गाह्रो, एउटा असम्भव !

एजेन्सी । ब्राजिलका चर्चित फुटबलर पेलेको ८२ वर्षको उमेरमा निधन भएको छ । पेलेकी छोरीले सामाजिक सञ्जालमार्फत यस बारे जानकारी दिएकी हुन् । यी महान फुटबलरलाई क्यान्सर भएको थियो । पेले पछिल्ला केही दिनदेखि अस्पतालमा भर्ना भएका थिए ।

यद्यपि उनी आज यो संसारमा छैनन् । तर उनको रेकर्ड अझै जीवित छ । पेलेले आफ्नो करियरमा धेरै कीर्तिमान बनाएका छन् । तर, उनका केही रेकर्डहरू छन् जसलाई तोड्न गाह्रो छ ।

३ पटक विश्व च्याम्पियन
पेलेको उपस्थितिमा ब्राजिल टोली ३ पटक च्याम्पियन बनेको थियो । पेलेले सन् १९५८, १९६२ र १९७० मा विश्वकप जितेका थिए । सर्वाधिक पटक विश्वकप जित्ने कीर्तिमान पेलेलेको नाममा छ । तपाईलाई भनौं कि खेलाडीको लागि आफ्नो करियरमा ३ पटक विश्व च्याम्पियन बन्न सजिलो छैन ।

सर्वाधिक गोल
पेलेले आफ्नो करियरमा जम्मा १ हजार ३६३ खेलमा भाग लिएका थिए । उनले यी खेलमा कुल १ हजार २८३ गोल गरेका छन् । उनको नाम गिनिज बुक अफ वल्र्ड रेकर्डमा लेखिएको छ । उनले सन् १९५९ र १९६१ मा क्रमशः १२७ र ११० गोल गरेका थिए ।

सर्वाधिक ह्याट्रिक गोलको कीर्तिमान 
पेलेको नाममा सबैभन्दा धेरै ह्याट्रिकको कीर्तिमान पनि छ । पेलेले आफ्नो करियरमा सबैभन्दा बढी ९२ ह्याट्रिक गरेका छन् । यो सूचीमा पेलेभन्दा पछि अरु खेलाडी छन् । पोर्चुगलका क्रिस्टियानो रोनाल्डोले ६० ह्याट्रिक गोल गरेका छन् । जबकि अर्जेन्टिनाका स्टार फुटबलर लियोनल मेस्सीले ५६ ह्याट्रिक गरेका छन् ।