स्ववियुमा पूर्णसमानुपातिक निर्वाचन प्रणाली लागू गराउन प्रधानमन्त्रीसमक्ष अनेरास्ववियूको माग

काठमाडौँ । नेकपा एसनिकट विद्यार्थी संगठन अनेरास्ववियूले त्रिवि विद्यार्थी कल्याण परिषद्द्वारा चैत ५ मा प्रस्तावित स्ववियु चुनावको स्वागत गरेको छ । त्रिवि कुलपतिसमेत रहेका प्रधानमन्त्री पुष्पकमल दाहाल ‘प्रचण्ड’ लाई भेटेर अनेरास्ववियूले यो पटकबाट स्ववियुमा पूर्णसमानुपातिक निर्वाचन लागू गराउन निर्देशनका लागि ज्ञापन पत्रसमेत बुझाएको छ । प्रधानमन्त्रीलाई ज्ञापन-पत्र बुझाउन अनेरास्ववियूका अध्यक्ष सुदेश पराजुलीसहितका विद्यार्टी टोली शुक्रबार बिहान बालुवाटार पुगेको थियो ।

निर्वाचन सबै वर्गरसमुदायको प्रतिनिधित्व सुनिश्चित गर्न समावेशीताको सिद्धान्तअनुसार पूर्णसमानुपातिक प्रणालीमार्फत हुनुपर्ने र विश्वविद्यालय एवं क्याम्पसहरूमा उत्कृष्ट शैक्षिक वातावरण निर्माण गर्न प्रत्येक स्ववियुमा सम्वन्धित शैक्षिक संस्थाको उत्कृष्ठ एक(एक जना छात्र र छात्रालाई सहभागी गराइनुपर्ने सो संगठनको माग छ ।

विश्वविद्यालयहरुमा स्ववियुको आवधिक निर्वाचन नहुँदा विश्वविद्यालयमा प्रशासनको मनोमानी व्याप्त रहेको बताउँदैै विश्वविद्यालयहरु ज्ञान निर्माण गर्ने केन्द्र हुनुपर्नेमा विभिन्न खाले विसङ्गति, भ्रष्टाचार र अनियमितताका केन्द्र बनेको पनि ज्ञापन(पत्रमा उल्लेख छ ।

विद्यार्थीहरू चर्को शुल्क तिर्न बाध्य भएकाले यी सबै विसंगतिको अन्त्य गर्न, स्वच्छ शैक्षिक वातावरण निर्माण गर्न र विद्यार्थीले आफ्ना हक अधिकारको प्रत्याभूति गर्न स्ववियुको निर्वाचन यथासक्य गराउन प्रधानमन्त्रीसमक्ष ज्ञापनपत्र बुझाएको अध्यक्ष पराजुलीले बताए ।