आमाको हातको बटुक र सेल नखाँदै पोखराको आकाशमा अस्ताइन सिर्जना

काठमाडौं । आइतबार पोखरामा भएको एति एयरलाइन्सको बिमान दुर्घटनामा परी ज्यान गुमाउनेमा रुपन्देहीको सैनामैना ५ सेरुवाकी सिर्जना हुङचुङ मगर पनि छिन । सिर्जना दुर्घटना ग्रस्त विमानको चालक दलका सदस्य ९एयर होस्टेस० हुन् ।

सिर्जनाले शनिबार घरमा आमाबुवा र दाइभाउजु संग फोनमा लामै कुराकानी गरेकी थिइन । सिर्जनाको घरमा माघे संक्रान्तिमा सधै बटुक र सेल पाक्थ्यो । आमाले पकाएको बटुक र सेल असाध्यै खान मन लागेको भन्दै यसपाली अलि धेरै पठाइदिन भनेकी थिइन ।

त्यसकै लागि भाउजु सरस्वतीलाइ उनले सोमबार काठमाडौं बोलाएकी थिइन । आइतबार पोखरा र भद्रपुरको फ्लाइट रहेको उनले शनिबारै जानकारी गराएकी थिइन ।

आमा खिमिसराले पनि आइतबार बिहानैदेखि सिर्जनालाइ असाध्यै मन पर्ने बटुक र सेल पकाउदै थिइन । सिर्जना ९सिर्जु० लाइ त्यही बटुक र सेल कोशेली पठाइदिने तयारी थियो । तर अचानक पोखरामा यतीको जहाज दुर्घटनाको हल्ला चल्यो ।

चालक दलका ४ सहित ७२ जनाको शव निकाल्ने क्रम जारी रहेको खबरहरु टिभिले पनि भन्न थालेपछि घरमा रुवाबास सुरु भयो । आमा खिमिसरा अहिले पनि छोरी सम्झेर घरी घरी मुर्छित हुन्छीन ।

छोरी सम्झेर भक्कानिदै भन्छिन ‘भएकी एउटी छोरी, मलाइ कस्तो भाछ कसलाइ के थाहा रु आफै भिरबाट हाम फालेर मरु जस्तो भाछ’ । ‘हे भगवान बरु म पनि उसै संग जान पाएको भए हुन्थ्यो’ आमा खिमिसराले बिलौना गरीन ।

सिर्जना परिवारकी एक्ली छोरी हुन् । उनका दुइ जना दाइ र एक भाइ छन् । गएको अशोजमा उनी दसैं मनाउन घर आएकी थिइन । परिवारसंग न्यास्रो लागेको र आमाले पकाएको बटुक र सेलरोटी खान मन लागेको भन्दै उनले यसपाली भाउजुलाइ सोमबार काठमाडौ बोलाएकी थिइन । तर आइतबार पोखराको आकाशमा उनी सदाकालागि अस्ताइन ।

सिर्जनाले २०७२ सालदेखि यती एयरलाइन्समा काम गर्न सुरु गरेकी हुन् । मेहनती र लगनसील सिर्जना बढुवा भइ बोइङको परिचारिका बन्ने लिष्टमा छनौट भएको पनि परिवारले बताएको छ । २९ बर्षीय सिर्जनाले सैनामैनाकै सिद्धार्थ मेमोरियल बोर्डिङ स्कुलमा अध्ययन गरेकी हुन् ।

पढाइमा अब्बल उनले बुटवलको सिसिटी कलेजबाट स्नातक पुरा गरेपछि एयर होस्टेसको तालिम लिएर २०७२ सालदेखि यती एयरमा काम सुरु गरेको उनका मामा एक बहादुरले बताए । आजको नागरिक दैनिकमा रेखा भुसालले लेखेकी छन् ।