सोबिताको उपसभामुख बन्ने सम्भावना उच्च

काठमाडौं । राष्ट्रिय स्वतन्त्र पार्टीबाट प्रतिनिधि सभामा निर्वाचित भएकी सांसद् सोबिता गौतम उपसभामुख बन्ने सम्भावना उच्च रहेको छ।

सत्ता गठबन्धको सहमति अनुसार एमालेलाई सभामुख र स्वतन्त्र पार्टीलाई उपसभामुख दिने सहमति भएको थियो। सो अनुरुप एमालेले पुरुषबाट सभामुखको उम्मेदवार बनाउँदा स्वतन्त्र पार्टी महिलाले उपसभामुख पाउनेछिन्। संविधानमा सभामुख र उपसभामुख एउटै लिङ्गका हुन नसक्ने ब्यवस्था गरिएको छ।

अहिलेसम्म एमालेबाट छविलाल विश्वकर्मा, देवराज घिमिरी र पृथ्वीसुब्बा गुरुङको नाम चर्चामा रहेको छ। त्यस्तै स्वतन्त्र पार्टीमा पनि सोबिता उपसभामुख बन्ने चर्चा रहेको छ।

सोबिता काठमाडौं(२ बाट प्रतिनिधि सभामा निर्वाचित भएकी थिइन्।