भ्यालेन्टाइन डे’का दिन महत्वपूर्ण ब्रत, यसरी पुजा गर्दा हुनेछ फलिफाप

एजेन्सी । भ्यालेन्टाइन डे’को दिन हिन्दु धर्मका अनुयायीहरुले महत्वपूर्ण ब्रत मनाउँदैछन् । महिला तथा अविवाहित युवतीले यो ब्रत बस्ने गर्दछन् । हिन्दू क्यालेन्डरका अनुसार यो जानकी जयन्ती २०२३ फागुन कृष्ण अष्टमीका दिन मनाइनेछ, जुन यस वर्षको फेब्रुअरी १४ अर्थात् भ्यालेन्टाइन डे’का दिन पर्दैछ ।

धार्मिक ग्रन्थका अनुसार माता सीता फागुन कृष्ण अष्टमी मितिमा प्रकट भएकी थिइन् । त्यसैले यस तिथिमा सीता जयन्ती ९जानकी जयन्ती० मनाइन्छ । यस तिथिलाई सीता अष्टमी पनि भनिन्छ ।

यस दिन माता सीता र भगवान रामको पूजा गर्नाले सबै दुःख हट्ने जनविश्वास छ । जानकी जयन्तीमा भगवान राम र सीताको पूजा गर्ने भक्तमा भगवान विष्णु र माता लक्ष्मीको कृपा रहिरहन्छ ।

जानकी जयन्तीमा यसरी गर्नुहोस् पुजा
यस दिन बिहान उठेर मर्यादा पुरुषोत्तम राम र माता सीतालाई नमन गर्नुहोस् । दैनिक अनुष्ठान पूरा गरेपछि गंगामा स्नान गर्नुहोस् वा यदि तपाईं गंगामा नुहाउन असमर्थ हुनुहुन्छ भने, गंगाको पानीमा मिसाएको पानीले नुहाउनुहोस् ।

आचमन गरेर आफुलाई पवित्र बनाउनुहोस् र रातो रङ्गको कपडा लगाउनुहोस् । पूजाघरमा श्रीराम जानकीको तस्बिर राख्नुहोस् । मातालाई श्रृंगार सामग्री चढाउनुहोस् । फल, फूल, दुर्वा अर्पण गर्नुहोस् ।

पूजास्थलमा भगवानको लागि दियो एवम् धूप बाल्नुहोस् । आरती गरेर सुख, समृद्धिको कामना गर्नुहोस् र भगवानको अगाडि आफ्नो इच्छा व्यक्त गर्नुहोस् । दिनभर ब्रत बस्नुहोस् र साँझ आरती पछि फलफूल खानुहोस् ।