सांसद भण्डारीलाई थप उपचारका लागि भारत लैजाने तयारी

काठमाडौँ । ग्यास विस्फोटपछि आगलागीबाट घाइते भएका सांसद चन्द्र भण्डारीलाई थप उपचारका लागि भारत लैजाने तयारी गरिएको छ । खाना पकाउने ग्यास सिलिण्डर विस्फोट हुँदा गम्भीर घाइते भएका नेपाली कांग्रेसका सांसद चन्द्र भण्डारी र उनकी आमालाई थप उपचारका लागि भारत लैजाने तयारी भएको छ।

हाल उनीहरूको कीर्तिपुरस्थित बर्न अस्पतालको आइसियूमा उपचार भइरहेको छ। भण्डारीको शरीरको २५( ३० प्रतिशत भाग र आमाको ७० प्रतिशत भाग जलेको बताइएको छ। थप उपचारका लागि अस्पतालले नै विदेशका लागि सिफारिस गरेको हो। सिफारिसअनुसार भारत लैजाने तयारी भइरहेको अस्पताल स्रोतले जनाएको छ।

चिकित्सकीय भाषामा शरीरको २० प्रतिशतभन्दा बढी भागमा जल्नुलाई गम्भीर अवस्था मानिन्छ। बुद्धनगरस्थित सांसद भण्डारीको निवासमा गएराति करिब १० बजेतिर सिलिन्डर विस्फोट भएको थियो।