अमिषा अघि यी अभिनेत्रीलाई गरिएको थियो अफर, सन्नी देओलका कारण गरिन् रिजेक्ट !

एजेन्सी । बलिउड उद्योगको चर्चित फिल्म ‘गदर : एक प्रेम कथा’को सिक्वेल ‘गदर २’ चाँडै आउँदैछ । यस फिल्ममा सनी देओल र अमिषा पटेल फेरि एक पटक मुख्य भूमिकामा देखिनेछन् ।

सन् २००१ मा आएको यो फिल्म सुपर डुपर हिट साबित भयो । यो फिल्मले अमिषाको करियरलाई नयाँ दिशा दिएको छ । तर, के तपाईलाई थाहा छ, यो फिल्मका लागि अमिषा पहिलो रोजाइ थिइनन् । यसअघि अन्य धेरै अभिनेत्रीलाई अफर गरिएको थियो ।

काजोलले गरिन् फिल्म गर्न अस्वीकार

निर्देशक अनिल शर्माले मिडियालाई दिएको अन्तर्वार्तामा काजोललाई ‘गदर’का लागि पहिलो पटक अप्रोच गरिएको खुलासा गरेका थिए । तर काजोलले यो फिल्म गर्न मानिनन् । काजोलका अलावा ऐश्वर्या राई र माधुरी दीक्षितलाई पनि यो फिल्मको अफर गरिएको थियो ।

तर, दुवैले फिल्म गर्न मानेनन् । कसैले सन्नीसँग काम गर्न चासो देखाएनन् भने कसैलाई फिल्मको कथामा कम विश्वास थियो । निर्देशक अनिल शर्मा आफैंले यो कुराको खुलासा गरेका हुन् ।

माधुरी र ऐशले गरेका थिए प्रस्ताव अस्वीकार

माधुरी दीक्षितलाई फिल्म ‘गदर’ अफर हुँदा करियरको शिखरमा थिइन् । माधुरीले यसअघि सन्नी देओलसँग फिल्म त्रिदेवमा काम गरेकी थिइन् । तर, उनले सन्नीसँग काम गर्न अस्वीकार गरिन् ।

यस फिल्मको अफर पूर्व मिस वर्ल्ड ऐश्वर्या रार्यलाई पनि पठाइएको थियो । तर, त्यतिबेला ऐश विभिन्न भूमिकामा केन्द्रित थिइन् । जसका कारण उनले यो चलचित्रलाई अस्वीकार गरिन् ।