काठमाडौँ । प्रधानमन्त्री पुष्पकमल दाहाल प्रचण्डले सिन्धुली बस दुर्घटनाको उद्दार कार्यलाई प्रभावकारी बनाउन निर्देशन दिएका छन्। आइतबार बिहान ओेखलढुंगाको रूम्जाटारबाट काठमाडौं आउँदै गरेको बस सिन्धुलीको खाङ्साङमा दुर्घटना हुँदा ५ जनाको मृत्यु भएको छ। प्रधानमन्त्री प्रचण्डले मृतकप्रति श्रद्धाञ्जली व्यक्त गर्दै घाइतेहरूको स्वास्थ्यलाभको कामना समेत गरेका छन्

‘सिन्धुलीमा बस दुर्घटना भई ५ जनाको मृत्यु र दर्जनौं यात्रू घाइते भएको खबरले दुखी तुल्याएको छ। दुर्घटनाका मृतकहरूप्रति भावपूर्ण श्रद्धासुमन व्यक्त गर्दछु। घाइतेहरूको शीघ्र स्वास्थ्यलाभको कामनासहित उद्दार कार्य प्रभावकारी बनाउन सम्वद्ध सबैमा निर्देशित गर्दछु,’ उनले भनेका छन्।