एजेन्सी । रश्मिका मन्डन्नादेखि समन्था रुथ प्रभुसम्म, दक्षिण फिल्म उद्योगका धेरै अभिनेत्रीहरूले बलिउड र वेब सिरिजमा आफ्नो अभिनय क्षमता देखाइसकेका छन् । तमिल र तेलुगु सिने प्रेमीहरू बाहेक यी अभिनेत्रीका धेरै फ्यानहरू छन् । करोडौंको मनमा राज गर्ने यी अभिनेत्रीको पारिश्रमिक र सम्पत्ति पनि करोडौंमा छ ।

रश्मिका मन्डन्ना
चलचित्र पुष्पा लगायत साउथ र बलिउड चलचित्रमा काम गरिसकेकी अभिनेत्री रश्मिका मन्डन्नाको करिब ४५ देखि ५० करोड रुपैयाँ सम्पत्ति छ । मिडिया रिपोर्टका अनुसार रश्मिकाले प्रत्येक फिल्मका लागि ४ देखि ६ करोड भारु लिन्छिन् ।

सामन्था रुथ प्रभु
वेब सिरिज ‘द फ्यामिली म्यान’ लगायत साउथका कैयौं फिल्ममा आफ्नो अभिनयबाट गहिरो छाप छोडेकी अभिनेत्री सामन्था रुथ प्रभुको कुल सम्पत्ति ८९ करोड रुपैयाँ रहेको बताइएको छ । सामन्था रुथले प्रति फिल्म ३ देखि ५ करोड भारु लिन्छिन् ।

नयनतारा
तमिल, तेलुगु र मलायालम फिल्ममा काम गरिसकेकी नयनताराको कुल सम्पत्ति १६५ करोड रुपैयाँ छ। उनी हरेक फिल्मका लागि १० देखि १२ करोड भारु लिन्छिन् ।

तमन्ना भाटिया
‘बाहुबली’देखि बलिउड फिल्मसम्म आफ्नो अभिनय क्षमता देखाउने अभिनेत्री तमन्ना भाटियाको कुल सम्पत्ति ११० करोड रुपैयाँ छ । तमन्नाले एउटा फिल्मका लागि ५ देखि ६ करोड भारु लिने र ब्राण्ड प्रमोशन पनि गर्ने गरेको बताइएको छ ।

रकुल प्रीत सिंह
साउथका फिल्मसँगै बलिउड फिल्ममा पनि धमाकेदार अभिनय गरिरहेकी रकुल प्रीत सिंहले एउटा फिल्मका लागि ३ देखि ५ करोड भारु लिन्छिन् भने उनको नेटवर्थ ४५ देखि ५० करोड रुपैयाँ रहेको छ ।