सामन्थासँग सम्बन्ध विच्छेदपछि नागा चैतन्यले किने १५ करोडको आलिशान बंगला

एजेन्सी । सामन्था रुथ प्रभुसँग सम्बन्ध विच्छेद गरेपछि साउथ सुपरस्टार नागा चैतन्यले अहिले एउटा आलिशान बंगला किनेका छन् । हो, तपाईंले बिल्कुल सही सुन्नु भयो ।

स्रोतका अनुसार अक्किनेनी नागार्जुनका छोरा नागा चैतन्यले हैदराबादमा नयाँ आलिशान घर किनेका हुन् । जसको मूल्य १५ करोड रहेको बताइएको छ । उनी अहिले यही घरमा सरेका छन् । यसअघि उनी होटलमै बसेका थिए ।

सामन्थासँग सम्बन्धविच्छेद भएपछि नागा होटलमा बस्ने गर्थे । स्रोतका अनुसार नागाले आफ्नो सम्पत्तिबाट सामन्थालाई एक पैसा पनि दिन नचाहेका कारण यस्तो गरेका हुन् । यही कारण हो, सामन्थासँग सम्बन्धविच्छेद नभएसम्म उनी होटलमै बसेका थिए ।

नागाका फ्यानहरु उनका लागि निकै खुसी छन् भने अभिनेत्रीसँगको सम्बन्ध विच्छेदपछि उनी अहिले आफ्नो नयाँ घरमा सरेका छन् । अभिनेताको नयाँ बंगला कुनै विलासी होटल भन्दा कम छैन । हेर्ने हो भने, साँच्चै यस्तो घर छ भने कोही किन होटेलमा बस्छन् ।

अहिले नागा चैतन्य आफ्नो नयाँ घरको कारण चर्चामा छन् । स्रोतका अनुसार अभिनेताले हैदरावादको सबैभन्दा पोश कोलोनी जुबली हिल्समा एउटा घर किनेका हुन् । उनले आफ्नो नयाँ लन्चप्याडका लागि १५ करोड रुपैयाँ खर्च गरेको बताइएको छ ।

सामन्था रुथ प्रभुु र नागा चैतन्य २०२१ मा जुबली हिल्समा सँगै बस्दै आएका थिए । तर, यही वर्षको अक्टोबरमा यो जोडी अलग भयो । छुट्टिएपछि नागा चैतन्य होटलमा बस्दै आएका थिए भने सामन्था हैदराबादस्थित आफ्नो घरमा बस्दै आएकी थिइन् ।

अहिले अभिनेता आफ्नो नयाँ घरमा सरेको बताइएको छ । नागा चैतन्य सोमबार राति अर्थात मार्च २७ मा आरआरआर अभिनेता राम चरणको जन्मदिनको पार्टीमा पुगेका थिए । उनी बुवा नागार्जुन र भाइ अखिल अक्किनेनीसँग पार्टीमा पुगेका थिए । त्यहीँबाट चर्चाको विषय बनेको हो ।

‘नागा चैतन्य’ छिट्टै पुलिस ड्रामा फिल्म ‘कस्टडी’मा देखिदैछन् । चलचित्र निर्माता वेंकट प्रभुद्वारा निर्देशित अभिनेताको तेलुगु(तमिल चलचित्रको छायांकन केही महिना अघि सुरु भएको थियो । ‘कस्टडी’ नामको यो फिल्ममा कृति शेट्टी मुख्य भूमिकामा छिन् ।

अरविन्द स्वामी भिलेनको भूमिकामा छन् भने प्रियमणी शक्तिशाली भूमिकामा देखिनेछन् । फिल्ममा सम्पत राज, सरथकुमार, प्रेमजी, भेनेला किशोर, प्रेमी विश्वनाथ लगायतका कलाकारको अभिनय रहेको छ ।

फिल्म १२ मे २०२३ मा विश्वव्यापी रूपमा रिलीज हुँदैछ । यस बाहेक, उनले ओटीटी प्लेटफर्ममा अमेजन प्राइम भिडियोमा प्रिमियर हुने शो ‘डूथा’बाट डेब्यू गर्दैछन् । विक्रम कुमारले निर्देशन गरेको यो श्रृंखलामा नागा चैतन्य, पार्वती र प्रिया भवानी शंकर मुख्य भूमिकामा छन् ।