न्युजिल्याण्डविरुद्ध पाकिस्तानको दोस्रो जित, बाबरको शतक र हरिसको ४ विकेट

एजेन्सी । कप्तान बाबर आजमको उत्कृष्ट शतकमा पाकिस्तानले पाहुना टोली न्युजिल्याण्डलाई ३८ रनले पराजित गरेको छ । पाँच खेलको टी(२० श्रृंखलामा पाकिस्तानको यो लगातार दोस्रो जित हो । पहिलो खेलमा ८८ रनले विजयी भएको थियो ।

न्युजिल्याण्डले भने श्रृंखलामा लगातार दोस्रो हार बेहोर्‍यो । गएराति सम्पन्न खेलमा पाकिस्तानले दिएको १ सय ९३ रनको लक्ष्य पछ्याएको न्युजिल्याण्डले निर्धारित २० ओभरमा ७ विकेट गुमाएर १ सय ५४ रन मात्र बनाउन सक्यो ।

उसका लागि मार्क च्यापम्यानले ४० बलमा ४ चौका र ४ छक्काको सहयोगमा अविजित ६५ अर्धशतकीय पारी खेले पनि टोलीलाई जित दिलाउन सकेनन् । त्यस्तै, ओपनर चाड बोवेसले २६ तथा कप्तान टम लाथमले १९ रन जोडे । बाँकी ब्याटरको प्रदर्शन सन्तोषजनक रहन सकेन ।

पाकिस्तानका लागि हरिस रउफले ४ ओभरमा २७ रन दिए सर्वाधिक ४ विकेट लिए । त्यस्तै, इमाद वसिम, जमान खान र शादब खानले एकरएक विकेट हात लिए । कप्तान बाबर आजमको उत्कृष्ट शतकमा पाकिस्तानले पाहुना टोली न्युजिल्याण्डलाई ३८ रनले पराजित गरेको हो ।

त्यसअघि लाहोरस्थित गद्दाफी स्टेडियममा टस जितेर ब्याटिङ रोजेको पाकिस्तानले २० ओभरमा ४ विकेट गुमाएर १ सय ९२ रन बनायो । उसका लागि बाबरले ५८ बलमा ११ चौका र ३ छक्काको सहयोगमा अविजित १ सय १ रन बनाए । टी(२० अन्तर्राष्ट्रियमा उनको यो तेस्रो शतक हो ।

त्यस्तै, विकेटकिपर मोहम्मद रिजवानले ३४ बलमा ६ चौका र १ छक्काको सहयोगमा ५० रनको पारी खेले । यी दुई ओपनरबीच पहिलो विकेटका लागि ६४ बलमा ९९ रनको साझेदारी गरेका थिए ।

त्यस्तै, इफ्तिखार अहमदले अविजित ३३ रनको योगदान दिए । न्युजिल्याण्डका लागि म्याट हेनरीले दुई, जेम्स नीशम र रचिन रवीन्द्रले एकरएक विकेट लिए । यो जितसँगै सिरिजमा पाकिस्तानले २–० को अग्रता लिएको छ । पाकिस्तान–न्युजिल्याण्डबीचको तेस्रो टी–२० सोमबार हुनेछ