दाङ । दाङको तुलसीपुर कारागारमा गोली चलेको छ। आइतबार राति साढे ८ बजेको समयमा ड्युटीमा रहेका सशस्त्र प्रहरीका सहायक हवल्दारले आफैंलाई गोली हानी आत्महत्या गरेको इलाका प्रहरी कार्यालय, तुलसीपुरका प्रमुख प्रहरी नायब उपरीक्षक पुष्पराज मल्लले जानकारी दिए।

मृत्यु हुनेमा तुलसीपुर उपमहानगरपालिका वडा नम्बर ८ टिकरी निवासी ३५ वर्षीय बसन्त केसी रहेका छन् । उनले ड्युटीमै खटिएका बेला आफैंलाई गोली हान्दा घटनास्थलमै मृत्यु भएको हो । उनले किन आत्महत्या गरे भन्ने विषयमा थप अनुसन्धान हुने डिएसपी मल्लले बताए ।

‘पारिवारिक विवादका कारण उनले गोली चलाएको हुनसक्ने आंशका छ । यही कारणले नै गोली चलाए भन्ने विषयमा थप अनुसन्धान भएपछि मात्रै थाहा हुन्छ’, डिएसपी मल्लले भने ।

मृतक केसीको शवलाई पोष्टमार्टमका लागि राप्ती प्रादेशिक अस्पतालमा राखिएको डिएसपी मल्लले जानकारी दिए ।