आज नेप्से परिसूचक २३.६४ अंकले घट्यो

काठमाडौँ । आज सोमबार नेप्से परिसूचक २३.६४ अंकले घटेको छ । आज नेप्से २३.६४ अंकले घटेर १ हजार ९ सय ८ दशमलब ०४ को विन्दुमा कायम भएको हो । हिजो आइतबार नेप्से परिसूचक २.८० अंकले घटेको थियो । हिजो २.८० अंकले घटेर नेप्से १९३१.६८ को विन्दुमा कायम भएको थियो ।

आज नेप्से घटेसँगै कारोबार रकम पनि उत्साजनक देखिएन । आज नेप्सेमा ९२ करोड ७८ हजार बराबरको कारोबार भएको हो । आज २३ कम्पनीको सेयर मूल्य बढेको छ भने १८८ कम्पनीको सेयर मूल्य घटेको छ । त्यस्तै ७ वटा कम्पनीको सेयर मूल्य स्थिर रहेको छ । नेप्से घटेपनि अरुण भ्याली हाइड्रोपावरको कारोबार अब्बल रह्यो ।

त्यस्तै, शिवम् सिमेन्ट्सको ४ करोड ३३ लाख, एनआइसी एशिया बैंकको ३ करोड ११ लाख, माछापुच्छ्रे बैंकको २ करोड ६७ लाख रुपैयाँ र हिमालयन डिष्टिलरीको २ करोड ६३ लाख रुपैयाँमाथिको कारोबार भएको छ । आज सेयर बजार घटेसँगै सनराइज ब्ल्युचिप फण्ड, एनआइसी एशिया ग्रोथ फण्ड, उन्नति सहकार्य लघुवित्त, उपकार लघुवित्त लगायतका कम्पनीहरुको सेयरमूल्य पनि घटेको छ ।

आज सेयर बजार घटेतापनि केहि कम्पनीहरुको सेयर मूल्य बढेको छ । आज नेप्सेमा कारोबार भएका ३ कम्पनीको सेयरमा सर्किट लागेको छ । आज आदर्श लघुवित्त, कालिन्चोक दर्शन र मोलुङ हाइड्रोपावरको शेयरमा सर्किट लागेको छ । त्यस्तै, सिभिल बैंक डिभेन्चर २०८८ , सामलिङ पावर लगायत अन्य कम्पनीको सेयर मूल्य बढेको छ ।