विषालु सर्पले डस्दा एक बालकले गुमाए ज्यान

काठमाडौं । सिरहामा विषालु सर्पले डस्दा एक बालकको ज्यान गएको छ । सर्पले डसेर गोलबजार नगरपालिका–८ भाइजिका श्याम साहका चार वर्षीय छोरा अविनासको मृत्यु भएको हो ।

बिहिबार आफ्नै घरमा खेल्दै गरेको अवस्थामा बालकलाई सर्पले टोकेको थियो । उपचारमा ल्याउन ढिला गर्दा बालकको मृत्यु भएको स्वास्थ्यकर्मीले बताएका छन् । सर्पको टोकाइबाट सिकिस्त भएका बालकलाई उपचारका लागि सुरुमा सिरहाको चोहवास्थित नेपाली सेनाको श्री बहादुर शेर गण पुर्‍याइएको थियो ।

त्यहाँ उपचार समभव नभएपछि थप उपचारका लागि उनलाई सिरहाकै कर्जन्हामा रहेको फूलकुमारी अस्पताल लगिएको थियो । तर, उपचार गर्दा गर्दै बालकको मृत्यु भएको हो ।

गर्मी बढेसँगै तराई–मधेशका जिल्लामा सर्पले डस्ने क्रम बढ्न थालेको छ । विषालु सर्पले टोकेका बिरामीलाई समयमै अस्पताल नपु¥याउँदा मृत्युको जोखिम धेरै हुने चिकित्सकहरु बताउँछन् ।