कपाल झरेर हैरान हुनुहुन्छ ? छुटकारा पाउन यी उपाय अपनाउनुहोस

आज/भोलि कपाल झर्ने समस्या धेरै हुन थालेको छ । हाम्रो कपाल झ¥यो भने हामी पुरै दिन कपालको स्याहार गर्न लाग्छौं । के कारणले र किन कपाल झ¥यो भन्ने कुरातिर हाम्रो ध्यान जादैन । वास्तवमा कपाल रगत खराब भयो भने झर्ने गर्दछ । रगत खराब हामीले खाएका खानेकुराहरु राम्रोसँग पचाउँन नसक्ने भएकोले रगतमा खराबी देखिन्छ । त्यसैले रगत खराव भएको वेला भारी हुने हुँदा माथि टाउकोसम्म पुग्न पाउदैन र कपाल झर्न सुरु गर्दछ ।

कपाल नझर्नका लागि हामीले खानेकुराहरु खाँदा ध्यान दिनुपदर्छ । कपाल झर्नबाट रोक्नका लागि सबैभन्दा पहिले तपाईको जीवनशैली व्यवस्थित् हुनुपर्छ । भिटामिन, मिनरल्स र प्रोटिनको मात्रा मिलेको सन्तुलित भोजन लिनुहोस । फलफुल, हरियो सागसब्जी, गेडागुडी, बदामलगायतमा प्रचुर मात्रामा पोषक तत्व हुन्छ । यस्तो सन्तुलित भोजनले कपाल स्वस्थ राख्छ र झर्नबाट रोक्न महत्वपूर्ण भूमिका खेल्छ ।

हामीले खाना खाँदा जीवन्त रहेको खाना खानुपर्दछ । प्रकृतिमा आफै उत्पादन भएका खानामा पौष्टिक तत्वहरु रहने भएकोले यस्तो खाना खानुपर्दछ । जसमा जीवन नरहेको खाना खानाले हाम्रो शरीरमा धेरै नकारात्मक असरहरु पार्ने गर्दछ । प्राकृतिक खाना खानाले हाम्रो पेटमा समस्या रहदैन र हाम्रो शरीरलाई र कपाललाई धेरै फाइदा दिने गर्दछ । नियमित रुपमा टाउकोमा तेलले मसाज गर्नुस् । यसले तपाईको टाउकोमा रक्तसञ्चार बढाउन मद्दत गर्दछ र कपाललाई स्वस्थ राख्न सहयोग गर्छ । तोरीको तेल, नरिवलको तेल, आल्मोन्डको तेल वा ओलिभ तेलले समाज गर्न सकिन्छ । स्याम्पु प्रयोग गर्नुभन्दा केही समयअघि मसाज गर्नु राम्रो हुन्छ ।

केमिकलयुक्त प्रडक्ट प्रयोग नगर्नुस् । बजारमा कपाल सफ्ट बनाउने, कलर गर्ने वा स्ट्रेट गर्ने विभिन्न केमिकल पाइन्छन् । तर, यस्ता केमिकलले केही समयपछि कपाललाई असर गर्छ । कपाल विग्रने, सुक्खा हुने वा झर्ने समस्या देखिन्छ । आफ्नो कपाललाई सुहाउँदो स्याम्पु वा कन्डिसनर प्रयोग गर्न सक्नुहुन्छ । तर, कपाल राम्रो बनाउने नाममा अत्यधिक हिट दिने वा ड्राई गर्ने काम नगर्नुस् । अत्यधिक तनावले पनि कपाल झर्ने समस्या देखिन्छ । तसर्थ, तनाव कम लिनुस् । तनाव कम गर्न योगा वा मेडिटेसन गर्ने, आफुलाई मन लागेका काम गर्न सकिन्छ ।