नेपालले सुगौली सन्धिमा गुमाएको भूमि भारतले फिर्ता गर्नुपर्छ : हर्क साम्पाङ

काठमाडौं । धरान उपमहानगरपालिकाका मेयर हर्क साम्पाङले सुगौली सन्धिमा नेपालले गुमाएको भूमि भारतले फिर्ता गर्नुपर्ने बताएका छन् । सामाजिक संजालमा पोष्ट गर्दै मेयर साम्पाङले फिर्ता गर्नुपर्ने बताएका हुन् ।

सामाजिक संजाल फेसबुकमा उनले सुगौली सन्धि भारतसँग नभई इस्ट इन्डिया कम्पनीसँग भएको उल्लेख गर्दै अहिले ब्रिटिस राज नै भारतमा नरहेपछि सन्धि समाप्त भएको बताएका छन् ।

‘ब्रिटिस साम्राज्यसँग भएको सन्धिमा गुमेको भूमि भारतले फिर्ता गर्नुपर्छ’ उनले भनेका छन्, त्यो सन्धि भारत सङ्ग भएको होइन ब्रिटेन सङ्ग भएको थियो १ अब भारतमा ब्रिटिस राज नरहे सङ्गै त्यो सन्धि पनि स्वतः समाप्त भई भूमि नेपालमै फर्कनु पर्छ ।’

यस्तै मेयर साम्पाङले आफूले १५ वर्षदेखि यो विषय उठाउँदै आएका पनि बताएका छन् ।