कोशीका सभामुखलाई प्रश्नः ‘बहुमत पुर्याउन राजीनामा दिन लागेको हो ?’

काठमाडौं । कोशी प्रदेश सरकार गठनका लागि प्रदेश प्रमुखले तोकेको समय भोलि सकिँदै छ । यस पाँच दिनको समय सीमा दिएर प्रदेश प्रमुख परशुराम खापुङ्गले संविधानको धारा १६८ (२) बमोजिम दुई वा दुईभन्दा बढी दलको समर्थनमा बहुमत प्राप्त गर्नसक्ने प्रदेश सभा सदस्यलाई मुख्यमन्त्रीका दाबी पेश गर्न भनेपनि चार दिन वित्नै लाग्दा कसैले बहुमत पुर्याउन सकिरहेका छैनन् ।

कोशीमा सत्ता गठबन्धन दलले राप्रपालाई सरकारमा सहभागी गराउने वा सभामुख बाबुराम गौतमलाई राजीनामा गराएर बहुमत पुर्याउने भन्ने विषयमा छलफल चलाएका थिए । यी दुवै विषयमा सत्ता गठबन्धन दलका नेताबीच व्यपाक छलफल भएपनि निश्कर्षमा भने पुगिसकेको अवस्था छैन ।

‘कोशी प्रदेशमा बहुमत पुर्याउन तपाईँले राजीनामा गर्न लागेको हो ?’ भन्ने रिपोर्टर्स नेपालको प्रश्नमा सभामुख गौतम यस विषयमा नबोल्ने बताए । ‘यस विषयमा म अहिले बोल्दिन । भोलि थाहा हुन्छ । अहिले राजीनामा गर्नेरनगर्ने केही निर्णय भएको छैन,’– उनले भने ।