दुई मोटरसाइकल एक आपसमा ठोक्किँयो, ४ जना घाइते

काठमाडौं । स्याङ्जाको गल्याङमा दुई मोटरसाइकल एक आपसमा ठोक्किँदा जार जना घाइते भएका छन् । सिद्धार्थ राजमार्ग अन्तर्गत गल्याङ नगरपालिका वडा नं.८ चिउरीमा गए राती दुई मोटरसाइकल ठोकिँएका हुन् ।

वालिङबाट गल्याङ तर्फ जाँदै गरेको म.प्र. ०३–०२९ प. २८८३ नं. को मोटरसाइकल र विपरित दिशाबाट आउँदै गरेको लु १४ प ५३८७ नम्बरको मोटरसाइकल एक आपसमा ठक्कर खाएका हुन् ।

दुर्घटनामा परि गल्याङ ११ का ३७ वर्षीय पदम सिंजाली, कास्कीको माछापुच्छ्रे गाउँपालिका ७ का २६ वर्षीय सन्देश गुरुङ, वालिङ ९ का २६ वर्षीय बिशाल हिताङ घाइते भएका छन् ।

यस्तै पर्साको वीरगन्ज महानगरपालिका २ घण्टाघर घर भई वालिङ बस्दै आएका २० वर्षीय भोला चौधरी पनि घाइते भएको जिल्ला प्रहरी कार्यालय स्याङ्जाले जनाएको छ । घाइते चारै जनाको वालिङ प्राथमिक अस्पतालमा उपचार भइरहेको छ ।