काठमाडौंको अनामनगर क्षेत्र डुबानमा

काठमाडौं । गएरातिदेखि परेको अविरल वर्षाको कारण अनामनगरस्थित धोबीखोला र सामाखुसी आसपासको क्षेत्र डुबानमा परेको छ । सोमबार रातिबाट परेको भारी वर्षाको कारण मंगलबार बिहान अनामनगर क्षेत्र डुबानमा परेको हो ।

धोबीखोलामा पानीको सतह उच्च हुँदा वरिपरिका घरहरू पनि डुबानमा परेका छन् । यस्तै, सामाखुसी क्षेत्र पनि डुबानमा परेको छ । सामाखुसीमा विद्यालय, घर लगायतका क्षेत्र डुबानमा परेका हुन् ।

बागमती नदी किनारमा रहेको सुकुम्बासी वस्तीमा पनि बाढी पसेको छ । उपत्यकामा बुढानिलकण्ठ, सुन्दरीजल, नगरकोट र ती क्षेत्र आसपास भारी वर्षा मापन भएको छ ।