चितवनमा ८ सवारी साधन एक आपसमा ठोक्किँदा २० जना घाइते

काठमाडौं। पूर्व पश्चिम राजमार्गअन्तर्गत चितवनको टिकैलीमा ८ वटा सवारी साधन एकआपसमा ठोकिँदा २० जना घाइते भएका छन् ।

बुधबार भरतपुरबाट पूर्वतर्फ जाँदै गरेको कलेज बसले विपरीत दिशाबाट आउँदै गरेको शव वाहन, मोटरसाइकल र स्कुटरलाई ठक्कर दिएको हो।

नवलपुरको गैंडाकोटस्थित अक्सफोर्ड कलेजको ना १ क ६१३१ नम्बरको बसले विपरीत दिशाबाट शव बोकेर देवघाट आउँदै गरेको ना २ च ८४४६ नम्बरको को बलेरो, बा.प्र.०६-००१ प ९९८१, बा.प्र.०३-००५ प ९७, ना ६२ प ६०३२, बा.प्र.०३-००१ प ४१४७ नम्बरका मोटरसाइकल, बा.प्र.०६-००१प २२९४ र ब.प्र.०३-००२प ४१९८ नम्बरको स्कुटरलाई ठक्कर दिएको थियो।

दुर्घटनास्थलमा उद्धारका लागि प्रहरीसहितको टोली जुटिसकेको छ । यस बारेमा थप विवरण आउन बाँकी रहेको प्रहरीले जनाएको छ ।