कति पुग्यो सुनचाँदीको मूल्य, तोलाको ?

काठमाडौं। नेपाली बजारमा शुक्रबार सुनको भाउ बढेको छ । बिहीबार प्रतितोला १ लाख ९ हजार ५ सयररुपैयाँमा कारोबार भएको छापावाल सुनको भाउ आज तोलामा ६ सय रुपैयाँले बढेर १ लाख १० हजार १ सय रुपैयाँमा कारोबार भइरहेको छ ।

त्यस्तै तेजावी सुनको भाउ पनि आज प्रति तोलामा ६ सय रुपैयाँले बढेर १ लाख ९ हजार ६ सय रुपैयाँमा कारोबार भइरहेको छ । नेपाल सुनचाँदी व्यवसायी महासंघका अनुसार आज चाँदीको भाउ तोलामा ५ रुपैयाँ घटेर प्रतितोला १ हजार ३ सय ४५ रुपैयाँमा कारोबार भइरहेको छ ।

आज प्रति १० ग्राम छापावाल सुनको भाउ ९४ हजार ३ सय ९५ रुपैयाँ, १० ग्राम तेजावी सुनको भाउ ९३ हजार ९ सय २५ रुपैयाँ र प्रति १० ग्राम चाँदीको मुल्य १ हजार १ सय ५३ रुपैयाँ कायम रहेको छ ।