प्रकाश ढकाल मृत्यु प्रकरण- बस चालकसहित ४ जना पक्राउ

काठमाडौं । गायक, मोडल तथा राष्ट्रिय लोक तथा दोहोरी गीत प्रतिष्ठान नेपाल यूएई शाखाका पूर्व सहसचिव प्रकाश ढकालको मृत्यू प्रकरणमा प्रहरीले ४ जनालाई पक्राउ गरेको छ ।

ढकाल स्याङजाबाट काठमाडौं फर्किनेक्रममा बाटोबाट वेपत्ता भएका थिए । उनको गत मंसिर ३ गते धादिङको कृष्णभीर नजिकै शव फेला परेको थियो । उनको हत्या भएको भन्दै आफन्तले दिएको किटानी जाहेरीका आधारमा प्रहरीले उनी काठमाडौं आउँदै गरेको बसका चालक, साहु र अन्य २ जनालाई पक्राउ गरेको हो ।

प्रहरीको प्रारम्भिक अनुसन्धानबाट ढकाल र बसका चालकबीच झगडा हुँदा हत्या भएको देखिएको बताईएको छ । यस घटनामा थप अनुसन्धान भईरहेको प्रहरीको भनाइ छ ।