बर्दिया । बर्दियाबाट दाङमा वनभोजका लागि हिँडेको बस आइतबार बिहान दुर्घटनामा परेको छ । बर्दियाको बढैयाताल गाउँपालिका ६ बाट दाङको चखौरामा वनभोजका लागि हिँडेको बस राप्ती राजमार्ग अन्तर्गत अमेलिया–तुलसीपुर सडक खण्डको झञ्ज्याङनजिकै दुर्घटना भएको हो ।

भे १ ख २०४१ नम्बरको रिजर्ब बस बिहान साढे ७ बजे दुर्घटना भएको हो । वनभोज जानेमा पिपरहवा कृषि कृषक समूहका सदस्य थिए । तीमध्ये २० जना सामान्य घाइते भएका छन् । अहिले घाइतेहरूको उद्धार भइसकेको छ ।