पर्साको ठोरीमा नयाँ वर्षमा वनभोज गर्नेहरूको भीड

वीरगंज । अङ्ग्रेजी नयाँ वर्ष २०२४ मनाउन पर्सा जिल्लाको रमणीयस्थल ठोरी गाउँपालिकाका विभिन्न स्थानहरू आन्तरिक तथा भारतीय पर्यटकहरूको भीड लागेको छ ।

ठोरी गापाका राईधारा, गणेशमान पार्क, ठुटेखोला, चिताखोला, रानीवन, पञ्चेश्वर परिसर, सेतो भीर परिसर, रातो डाँडा, सीतागुफा परिसरमा आन्तरिक तथा भारतीय पर्यटकहरू ठूलो संख्यामा आएर पिकनिक मनाए ।

बारा, पर्सा, रौतहट र भारतका नरकटियागंज, बेतिया, मोतिहारी, मुजफ्फरपुर, पटना लगायतबाट परिवारसहित नयाँ वर्षमा पिकनिक मनाउन ठोरी आएका छन् ।

ठोरीको हावापानी, वातावरण, खोलानाला, पहाड, जङ्गल, भीर, पाखालगायतका मनोरम दृश्यहरू हेर्नका लागि आफूहरू सपरिवार ठोरीमा नयाँ वर्ष मनाउन आउने गरेका छन् ।