चितवन । चितवनको रत्ननगर नगरपालिका १० स्थित बकुल्लर चोकमा दुई जना युवालाई अज्ञात समूहले खुकुरी प्रहार गरेका छन् । बकुल्लर चोकमा रहेको लालटिन क्याफेमा खुकुरी प्रहारबाट दुई जना घाइते भएका छन् ।

घाइते हुनेमा नवलपुर गैँडाकोट घर भएका २५ वर्षीय सौगात सापकोटा र ३१ वर्षीय सुजन जिसी रहेका छन् । सौगातको टाउकोमा र सुजनको दुवै हातमा चोट लागेको इलाका प्रहरी कार्यालय टाँडीले जनाएको छ ।

आक्रमणमा संलग्न आरोपीहरू भागेका छन् । घाइतेहरूलाई उपचारका लागि एलाइभ अस्पताल भरतपुर रिफर गरिएको छ । घटना बारे इलाका प्रहरी कार्यालय टाँडीले अनुसन्धान गरिरहेको छ ।