पौडी खेल्ने क्रममा युवकको डुबेर मृत्यु

रूपन्देही । देवदह नगरपालिका-१० चरङगेस्थित त्रिशुली खोलामा डुबेर तिलोत्तमा नगरपालिका-४ सुनौलोनगर बस्ने पाल्पा रैनादेबी गाउँपालिका-५ घर भएका १७ वर्षीय सिलज रायमाझीको बिहीबार दिउँसो मृत्यु भएको नेपाल प्रहरीले बताएको छ । पौडी खेल्ने क्रममा डुबेर अशक्त भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो । प्रहरीले मृतकसँगै पौडी खेल्न गएका ५ जनालाई सोधपुछका लागि नियन्त्रणमा लिएको बताएको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।