मृत अवस्थामा फेला

काठमाडौं । सैनामैना नगरपालिका-७ रामबस्ती बस्ने मोहन भुसालको छोरा ८ वर्षीय आयुष भुसाल सोही ठाउँस्थित ईन्गोरिया खोलामा सोमबार मृत अवस्थामा फेला परेको नेपाल प्रहरीले बताएका छन् । आइतबार घरबाट हराएका उनको खोजी गर्ने क्रममा शव फेला परेको छ। प्रहरीका अनुसार क्व्होलासोथार गाउँपालिका-१ नजरे बस्ने ६९ वर्षीया धन कुमारी गुरुङ सोही गाउँपालिका-३ च्यानडाडास्थित च्यानडाडा वनको भिरबाट खोल्सामा सोमबार मृत अवस्थामा फेला परेकी छिन् । चैत १५ गते माईती घर जान्छु भनी हिँडेकी उनी सम्पर्कमा नआएपछि खोजी गर्ने क्रममा सडीगलेको अवस्थामा शव फेला परेको प्रहरीले जनाएको छ ।

त्यस्तै गरेर रामेछाप नगरपालिका-६ हुदिल बस्ने ७३ वर्षीय तेज बहादुर कार्की आफ्नै घरमा सोमबार मृत अवस्थामा फेला परेको नेपाल प्रहरीले बताएका छन् ।प्रहरीका अनुसार गरुडा नगरपालिका-६ अमरपट्टी बस्ने १८ वर्षीय नन्दकिशोर राय यादव सोही ठाउँस्थित झाझ सिचाई नहरमा सोमबार मृत अवस्थामा फेला रहेका छन् । यस सम्बन्धमा प्रहरीले आवश्यक अनुसन्धान गरिरहेको बताइएको छ ।