अर्घाखाँची। अर्घाखाँचीमा कार दुर्घटना हुँदा एक जना मृत्यु भएको छ । भने ७ जना घाइते भएका छन् । अर्घाखाँची हुँदै कास्की जाँदै गरेको ग ३ च ४५७४ नम्बरको कार बुधबार बिहान साढे ९ बजे पाणिनी गाउँपालिका ८ कोलडाँडामा दुर्घटना भएको थियो ।

दुर्घटनामा परेर भूमिकास्थान नगरपालिका ८ किमडाँडाका ६ वर्षीय आरम्भ क्षेत्रीको मृत्यु भएको छ । घाइते हुनेमा भूमिकास्थान ८ का चालक ३४ वर्षीय ईश्वरी क्षेत्री, उनकी श्रीमती ३० वर्षीया सम्झना क्षेत्री, उनकी छोरी इभान्सी क्षेत्री रहेकी छन् ।

यस्तै पोखरा १२ की ३० वर्षीया सविता अधिकारी, सोही ठाउँकी १५ वर्षीय प्रजोल कँडेल, ४२ वर्षीया गीता कँडेल र १० वर्षीय जेशन बस्नेत समेत रहेको जिल्ला प्रहरी कार्यालय अर्घाखाँचीले जनाएको छ । घाइतेहरुको जिल्ला अस्पताल सन्धिखर्कमा उपचार भइरहेको छ