छुट्टाछुट्टै स्थानमा सवारी दुर्घटना हुँदा  ६ जनाको मृत्यु

काठमाडौं । कनकासुन्दरी गाउँपालिका-५ स्थित सडकमा  लु.५ त १४६० नम्बरको  ट्याक्टर  सडकबाट करिब १ सय मिटर तल खसेर बिहीबार बिहान दुर्घटना हुँदा चालक सल्यान त्रिबेणी गाउँपालिका-४ थोलाबाङ बस्ने २४ वर्षीय बसन्त रेउलेको मृत्यु भएको नेपाल प्रहरीले बताएको छ । प्रहरीका अनुसार दुर्घटनामा गम्भीर घाइते भएका उनको कर्णाली स्वास्थ्य विज्ञान प्रतिष्ठानमा उपचारको क्रममा  मृत्यु भएको छ।

यसैगरी हनुमाननगर कंकालिनी नगरपालिका-३ गितखोरास्थित सडकमा  प्र.१-०१-००२ ह ३७१६ नम्बरको सिटि रिक्सा अनियन्त्रित भई बिहीबार दिउँसो दुर्घटना हुँदा रिक्सामा सवार सोही नगरपालिका-१ भलुवा बस्ने ३० वर्षीय श्याम कुमार यादवको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको भारदह अस्पताल सप्तरीमा उपचारको क्रममा मृत्यु भएको छ। साथै दुर्घटनामा घाइते भएका रिक्सामा सवार २ जनाको सोही अस्पतालमा उपचार भइरहेको नेपाल प्रहरीले बताएको छ । हाल फरार रिक्सा चालकको प्रहरीले खोजी गरिरहेको बताइएको छ ।

प्रहरीका अनुसार धनुषाधाम नगरपालिका-३ धनुषाधाम बजारस्थित सडकमा ना.७ ख १६६८ नम्बरको टिपरमा प्र.२.०१.००३ प ३८२२ नम्बरको मोटरसाइकल ठक्कर खाई बिहीबार साँझ दुर्घटना हुँदा मोटरसाइकल चालक सिरहा गोलबजार नगरपालिका-६ बस्ने ४२ वर्षीय ईन्द्रदेब यादबको मृत्यु भएको छ। दुर्घटनामा गम्भीर घाइते भएका उनको प्रादेशिक अस्पताल जनकपुरमा उपचारको क्रममा मृत्यु भएकोप्रहरीले जनाएको छ। टिपर चालकलाई प्रहरीले नियन्त्रणमा लिएको बताइएको छ ।

त्यस्तै गरेर ओमसतिया गाउँपालिका-४ बसन्तपुरस्थित सडकमा प्र.२-०३-००१ ख ५१२२ नम्बरको ट्रकले लु.१३ प २८७६ नम्बरको मोटरसाइकललाई बिहीबार राति ठक्कर दिँदा मोटरसाइकल चालक देवदह नगरपालिका-१२ शंकरपुर बस्ने २७ वर्षीय राजेश यादवको मृत्यु भएको नेपाल प्रहरीले बताएको  छ । प्रहरीका अनुसार  दुर्घटनामा गम्भीर घाइते भएका उनको मेडिकल कलेज भैरहवामा उपचारको क्रममा मृत्यु भएको छ । ट्रक चालकलाई प्रहरीले नियन्त्रणमा लिएको जनाइएको छ ।

प्रहारीका अनुसार काठमाडौं महानगरपालिका-१४ बल्खुस्थित सडकमा बा।प्र ०१-००६ ख ५७७८ नम्बरको बसमा बा.९६ प ६०१३ नम्बरको मोटरदाइकल ठक्कर खाई बिहीबार बिहान साँझ दुर्घटना हुँदा मोटरसाइकल चालक कीर्तिपुर नगरपालिका.३ बस्ने ५२ वर्षीय सानु वाहकको मृत्यु भएको छ । दुर्घटनामा घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको छ। बस चालकलाई प्रहरीले नियन्त्रणमा लिएको प्रहरीले जनाएको छ ।

यसैगरी राप्ती सोनारी गाउँपालिका-४ राजपुरटोलस्थित सडकमा म.प्र.०३-०२९ प ८५९४ नम्बरको मोटरसाइकल अनियन्त्रित भई बिहीबार राति दुर्घटना चालक सोही गाउँपालिका-४ धामपुर बस्ने २९ वर्षीय टिकाराम थारूको मृत्यु भएको नेपाल प्रहरीले बताएको छ । प्रहरीका अनुसार दुर्घटनामा गम्भीर घाइते भएका उनको नर्सिङ नेपालगंजमा उपचारको क्रममा मृत्यु भएको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको बताइएको छ ।