ट्रकले मोटरसाइकलाई दियो ठक्कर, २० वर्षीय युवाको निधन

सर्लाही । मंगलबार राति पूर्वपश्चिम राजमार्गमै पर्ने सर्लाहीको हरिवन नगरपालिका १० सुखेपोखरीमा ना ६ ख ४९८९ नम्बरको ट्रकले ना ६४ प ६०२५ नम्बरको मोटरसाइकलाई ठक्कर दिँदा मोटरसाइकल चालक युवकको मृत्यु भएको हो ।

मृत्यु हुनेमा सर्लाहीको बागमती नगरपालिका २ डुमरीटोल बस्ने राहहरी चालिसेका छोरा २० वर्षीय दीपशरण चालिसे रहेका जिल्ला प्रहरी कार्यालय सर्लाहीले जनाएको छ । दुर्घटनामा उनको घटनास्थलमै मृत्यु भएको हो ।

दुर्घटनापछि ट्रक चालक सर्लाहीको ईश्वरपुर नगरपालिका १३ श्रीपुर बस्ने २६ वर्षीय सोलिन्द्र कुमार कुशवाहालाई प्रहरीले पक्राउ गरेको छ ।