काठमाडौँ । नेपालमा ऋषि ट्रेड सेन्टरले जिहो ए इ ८ इलेक्ट्रिक स्कुटर सार्वजनिक गरेको हो । कालो र सेतो रंगमा उपलब्ध रहेको यस स्कुटरमा विभिन्न आकर्षक विशेषता र सुविधा रहेको कम्पनिले बताएको छ । डबल ब्याट्रि रहेको यस स्कुटरमा ६९ भोल्ट र ३२ एम्पियर भएको ब्याट्रि पाइनेछ । यस स्कुटरमा लिथियम आयोन ब्याट्रि रहनुका साथै उक्त ब्याट्रि फुल चार्ज हुन ४ घण्टा लाग्ने छ ।
स्कुटरमा ५ किलोवाटको मिड–माउन्टेड लिक्विड–कूल्ड मोटर रहनुका साथै पिक पावर १२.५ किलोवाट र २१८ एन.एम पिक टर्क रहेको छ । यस्तै कम्पनिका अनुसार उक्त स्कुटरले १४० किलोमिटर देखि १६० किलोमिटर सम्म रेन्ज दिने दाबि रहेको छ । यस स्कुटरको टप स्पिड प्रति घण्टा १०० किलोमिटर रहेको छ भने स्कुटरको अगाडिको टायर साइज १००/८०–१२ र पछाडिको टायर साइज १२०/७०–१२ टयुबलेस टायर उपलब्ध छ । साथै यस स्कुटरमा डुअल डिस्क ब्रेक पाउन सकिन्छ ।
१४५ एम.एम ग्राउन्ड क्लियरेन्स रहेको यस स्कुटरको मुल्य रु.४,९०,००० कम्पनिले तोकेको छ । स्कुटरकमा सस्पेन्सन टेलिस्कोपिक फोर्क र एडजस्टेबल हाईड्रोलिक एब्सोर्बर रहेको छ ।
