काठमाडौं । जर्मनीमा भएको अन्तराष्ट्रिय कराते प्रतियोगितामा नेपालले एक स्वर्ण पदक जितेको छ । नेपालका लागि दीपा लामाले स्वर्ण पदक जितेकी हुन् । उनले महिला तर्फ ६१ केजी तौल समूहमा स्वर्ण पदक जितेकी हुन् ।

उनले क्वार्टर फाइनलमा गिस्सर इसाबेललाई ४-७ अंकले पराजित गरिन् भने सेमीफाइनलमा अष्ट्रेलियाकी गस्तल वरोनिकालाई १-४ अंकले पराजित गरेकी थिइन् । यस्तै फाइनलमा जर्मनीकी मोस्टर्ट मडेलिन ऑलीवियालाई ४-९ अंकको फराकिलो अन्तरले पराजित गर्दै स्वर्ण पदक हासिल गरिन ।

त्यसैगरी ८५ केजी माथिको समूहमा सुशिल पौडेलले प्रतिस्पर्धा गरेका थिए । उनले पहिलो फाइटमा भारतका अब्दुल्ला इलयास पटेललाई ०-८ अंक पराजित गर्न सफल भएका थिए । तर, जर्मनीका सेजफिक सेफोसँग ३-५ अंकले पराजित भई उनी ५ औ स्थानमा रहन सफल रहे ।

नेपालको प्रशिक्षण अन्तराष्ट्रिय कराते प्रशिक्षक प्रभाकर राना मगर र परशु कुवरले गरेका थिए । प्रतियोगिता जर्मनीको UML सहरमा भएको थियो ।