डोङ्गफेङ्ग कम्पनिले निर्माण गरेको डि एफ ए सि  ईभि ३२ कस्तो भ्यान हो ? हेर्नुहोस् मूल्य र फिचर सहित सम्पुर्ण जानकारी 

काठमाडौँ । त्रिवेणि मोटोकर्प प्रालिले नेपाली बजारमा डोङ्गफेङ्ग कम्पनिले उत्पादन गरेको डि एफ ए सि ईभि ३२ भित्राएको छ । यस त्रिवेणि मोटोकर्प प्रालिले भित्राएको ४ ओटा भ्यान मध्ये यो भ्यान पनि एक हो । १८० एम.एम ग्राउन्ड क्लियरेन्समा उपलब्ध यस गाडिको म्याक्स टर्क २७० एन.एम पाउन सकिन्छ ।

भ्यानमा सिएटीएल ५०.२३ किलोवाटको ब्याट्रि क्यापासिटि रहनुका साथै जिबिटी डि.सि फास्ट चार्जरबाट ८०%  ब्याट्रि चार्ज हुन ४५ मिनेट लाग्ने कम्पनिले बताएको छ । यस भ्यानले फुल चार्ज भएको  ब्याट्रिमा ३०० किलोमिटर सम्म  रेन्ज दिने छ ।

डि एफ ए सि ईभि ३२ भ्यानको डिमेन्सनको कुरा गर्दा यसको लम्बाई ५३३० एमएम ,चौँडाई १७०० एमएम र उचाई २२६० एमएम रहेको छ । भ्यानको ह्विवेश २८९० एमएम हुनुका साथै फ्रन्ट ओभरह्याङ १३०० एमएम र रेयर ओभर ह्याङ ११४० रहेको छ । भ्यानको मोटरको कुरा गर्दा रेटेड पावर ५० किलोवाट र पिक पावर ८० किलोवाट पाउन सकिन्छ ।

प्रति घण्टा १०० किलोमिटर सम्म टप स्पिड भएको यस गाडिको ग्रोस वेएट  ३४९० केजि र कर्व वेएट १९६० केजि पाउन सकिने कम्पनिको दाबि रहेको छ । भ्यानको सेफ्टि सिस्टम ए.बि.एस र ई.बि.डि, रियर भ्यु क्यामरा रहनुका साथै गाडिमा एसिको सुविधा रहेको छ ।

यस डि एफ ए सि ईभि ३२ भ्यानमा ४ ओटा डोर,२ ओटा स्पिकर र २ ओटा एम्प्लिफायरका  साथै भ्यानको अगाडि रिडिङ् लाइट र पछाडि फग लाईट जडान गरिएको छ । डि एफ ए सि ईभि ३२ भ्यानको अगाडिको टायरमा डिस्क ब्रेक र पछाडिको टायरमा ड्रम ब्रेक उपलब्ध रहेको छ । यसमा एलोमिनियम अलोइव्हील   व्हील हब म्याटेरियल रहेको छ । कारको सस्पेन्सनको कुरा गर्दा अगाडि इन्डिपेन्डेन्ट सस्पेन्सन् र पछाडि भेरिएबल लिफ स्प्रिङ्ग पाउन सकिन्छ ।